السلام ع ــليكم
هيضتني هالقريحة الشاعرية
واستفزت شاعر بلعب القصيدي
آخذ أحلا الشعر واجنب ردية
لا رقص في راسي الجن المريدي
أطرق المسحوق ولا السامرية
أتخير وأتنقى في قصيدي
جيت أعبر يا مشاعر في قضية
لابسة جسمي وتمشي بالوريدي
جيرتني بالتفاهـــه والذية
مير أخاف النار في ثوبي تزيدي
لو اطمنها تجيني باللحيه
ولو برفعها على الشارب وكيدي
المشاكل والمصايب والبلية
ترشد العاقل ومنها يستفيدي
لا تذكرت الحكم بالجاهلية
قلت وعزاه يا قلبي البليدي
اصلح النية ترا النية مطية
يرزقك رب الملا رب العبيدي
خيل العوجا بعزوة عجرمية
عزوة الدواي باليوم العنيدي
لا تعزوي (تويم) شال البندقية
ينطح البارود ما عنده يحيدي
واعرفو براك صوته في دويه
فيه سبع الطعون من شلفا شديدي
وخالد الدواي فوق المعنقية
لابس المحزم وله بيرق يسدي
يا سيوف الحرب ويالخنجرية
ويا صهيل الخيل والدرع الحديدي
استعدي واضربي أحلا تحية
لأهل العوجا أهل الراي السديدي
دام هذا فعلكم يحرم علية
التفت حق الردي لو هو عضيدي
لني مردد ومختوم الهوية
خالي هو عمي وانا لجدي طريدي
لازم أحفظ طيبكم لون شوية
لو دخلت 2000 والجيل الجديدي
بتحلا في فعل زبن الونية
ابن معصب أو بر شيد القفيدي
لن راسي رابي بطيب الحمية
مستعد أبقى أنا لحالي رشيدي
وسلامتكم