بسم الله الرحمن الرحيم
والصلاة والسلام على نبينا وآله وصحبه اجمعين
طبعا الكل يتسائل شنو الشي اللي يحز بالخاطر واللي انا الحين نزلت علشانه موضوع
يا جماعة الخير احنا جمهور كبير وواعي وكلنا نعرف ان القادسية يعتبر قبلة البطولات المحلية لان دائما ما نشوف الاصفر هو من يأتي بالبطولات وهذا شي طبيعي في عهد الادارة السابقة لكن الحين الوضع تغير حيل حيل حيل الاصفر خلال يومين تعرض لهزيمتين ما لهم اي داعي في كرة الطائرة وفي كرة السلة
يا جماعة الخير يا لاعبين الفريق الاول في الطائرة والسلة اقولكم يعطيكم العافية قبل كل شي لكن يا جماعة الخير اشلون ترضون ان جمهور نادي القادسية الكبير يدخل السنة الجديدة بخيبة امل ؟
خسارة في بطولة الاتحاد للطائرة امام العربي وخسارة في بطولة الدوري العام لكرة السلة امام الجهراء
اتمنى انها تكون كبوة جواد وان تردون مثل اول واقوى بالف مره يا جماعة اذا انتم متضايقين من الادارة الحالية تحملو علشانا احنا الجماهير اللي نحبكم ونوقف معاكم وباسمي وباسم كل الجماهير القدساوية المخلصة اقولكم تحملو ونبيكم تردون مثل اول واحسن نبيكم تردون الشبح المرعب في صالات الطائرة والسلة نبي اسم القادسية يكتسح كل البطولات ولا تخلون اي بطولة تروح منكم
تكفون يا شباب امنتكم بحب القادسية واتمنى انكم تحطون هالامانة بقلوبكم وعلى راسكم يا عيال بني قادس
اخوكم :عبدالله الدواي